يا نسوان يا نايرات تجمع بسسرعه عايزة مساعدتكم

كيفكم يا احلى ناس ان شاء الله رايقين ومروقين .. من الاخر كدا انا عايزاكم تساعدوني في تنظيم وقتي بين البيت والشغل والاهتمام بي نفسي
انا في استراليا يعني الغباشه زااااااتها وبصراحه نحن هنا غبش ما زي نسوان السودان النايرات ماشاء الله ما نحسدكم
طبعا الدخان في السنه مرتين بس دا اذا عملناه والدلكه في المناسبات والله الوحدة زهجت من ا لحاله دي وبتحسي انك مقصرة في حق زوجك ( مع انو زوجي شايفني عسل في كل الاحوال ) بلييييز اللي تدخل ما تطلع الا وهي تكون ردت علي وإلا حزعل منكم وانا لسه عضوه جديده يرضيكو كدا ... اكييد لأ انا

المشكلة انو بقينا اى حاجة نعمل ليها جدول بعتمد على ظروف عملنا يعنى البيت فى الدرجة التانية فى الاهمية لكن صدقينى انا شغالة دوامين وعمرى ما كنت غبشا الدلكة والريحة فى رف الحمام 5دقايق قبل الحمام المسائى دلكة والريحة كل ما ادخل والبوخة نهاية الاسبوع عشان المرقة والريحة ما تطق وكدة والبداية دايما محيرة لكن ما صعبة وعلى راى المثل العين جبانة والضراع عميان ما تفككرى بس ابدى والمبدى تام ودعواتك

بصراحة انا برضو امراة عاملة لكن دائماً في الحمام بكون عندي برضمانية عادية حقت مربة مبللول فيها الدلكة كل ما ادخل الحمام اول استحم بالصابون وبعد داك امسح جسمي كله بالدلكه ثم اشطف الجسم بالماء ريحة حلوة ما تخلص

ماشرط الجدول كل مايجي علي بالك اعملي حاجه انا كمان شغاله لكن مابخلي نفسي عشان الشغل وربنا يعينك

الدخان ثم الدخان ... النسوان فى السودان هنا الواحدة تقعد ليها ساعتيييييييين فى الحنة و بعد داك ما جايب همو لأنو الحنة دى للنسوان ( صاحابتها) يعنى شوفونى انا مهتمه بروحى لكن الدخان دة لراجلك

والله يا ستي الواحدة رقيبة على روحها براها ما عشان عيون ناس السودان ما محاوطانا نتغبش وزي ما قالوا الاخوات ما تصعبيه على روحكك بجدول وغيره ولكن اغصبي روحك بقدر الامكان وما تفكري كتير وقومي على الدخان باقي انا من انصاره شديد وبموت فيه ، والله العمر البروح ما برجع وعشان عيون اولادك وراجلك حاكم ممكن يوم من الايام هم زاتهم يحاكمونا، اسمعي نصيحة اختك واستفيدي من الغربة واشتغلي في روحك لأن الوقت المتوفر دا ما بيتلقي في السودان وانت براك نسوان السودان مجيهات يعني برغم مشاغلهم وانا شفت في الاجازة الدراديرا البخش فيها لامن ارجع وانشاء الله دايما نايرة وحلوة

السلام علي كل النسوان النايرات الحلوات اسمحو لي بالانضمام لي منتداكم الظريف ونظيف