ستة الودع والمشاطة

كانت مهن اصبحت تراث

مهن حصريا على النساء فقط

المشاطة
وهى مهنة قديمة ومهمتها تمشيط الشعر حسب الطلب والموضة وتستخدم المشاطة اداة اسمها (المخرز ) تساعدها على تقسيم الشعر كما كانت تستخدم ايضا الشعر المستعار ويسمى ( الجورسى ) لتطويل الشعر القصير ولكن انتهت هذة الاخيرة معرفة النساء لى ( لحديث الرسول( ص ) لعن الله الواصلة والمستوصلة)
زمان كان اهم حاجة فطور المشاطة يعنى لازم تعملى ليها صينية كااااااااااااربة , ولازم تديها حق القهوه كمان وفى مثل يطلق لولدها (عينو زى عين ود المشاطة)ويطلق للولد العينو طايرة ودا بسبب الصوانى البتجى لى امو
وننتقل بكم الى مهنة اخرى وهى
ست الودع
كلنا بنعرف ست الودع لانها غنو ليها
ست الودع ارمى الودع شوفيه لى لو فيه شى قوليهو لى ما تختشى
والودع هو نوع من صدف البحر تستخدمه ست الودع لمعرفة ما سيحدث لك وهو نوع من الونسة وخاصة مع شرب القهوة وهسع طبعا شويه اختفت للوعى الدينى والحمد لله وامكن تكون ظهرت حاجات حديثة شويه وست الودع عندها مسميات منها (الوحيد والتانى ود الصره)وهى تحدد بها مكانتك فى الاسرة
الدلالية
وهى تاجرة بتبيع كل شى وبالتقسيط المريح وكل النسوان بعرفوها وهى حتى الان موجوده

ست الشاى
ودى كمان معروفة من زمان حتى الان لكن مع بعض التطور يعنى ست الشاى بقت شوية راقية وعندها موبايل وامكن لاب توب والطلبات تجيها عبر الsms ,msn