beroo
مشرفة
عدد الرسائل : 84 العمر : 43 المزاج : مكان الاقامة : الرياض الجنسية : سودانية نقاط التميز : 2 عدد الأوسمة : 1 تاريخ التسجيل : 05/08/2008
| موضوع: حنبنيهو وطن شامخ السبت أغسطس 09, 2008 2:58 pm | |
| حنبنيهو.. البنحلم بيهو يوماتى وطن شامخ وطن عاتى وطن خيّر ديمقراطى
وطن مالك زمام أمرو ومتوهج لهب جمرو وطن غالى نجومو تلالى فى العالى إراده سياده حريّه مكان الفرد تتقدم.. قيادتنا الجماعيّه مكان السجنِ مستشفى مكان المنفى كليّه مكان الأسري.. ورديّه مكان الحسره أغنيّه مكان الطلقه عصفوره تحلق حول نافوره تمازج شُفّع الروضه حنبنيهو البنحلم بيهو يوماتى
وطن للسلم أجنحتو ضدّ الحرب أسلحتو عدد مافوق ما تحتو مدد للأرض محتله سند للإيدو ملويّه حنبنيهو.. البنحلم بيهو يوماتى وطن حدّادى مدّادى ما بنبنيهو فرّادى ولا بالضجه فى الرادى ولا الخطب الحماسيّه وطن بالفيهو نتساوى نحلم.. نقرا نتداوى مساكن كهربا ومويه.. تحتنا الظلمه تتهاوى نختّ الفجرِ طاقيّه وتطلع شمس مقهوره بخط الشعب ممهوره تخلي الدنيا مبهوره إراده وحده شعبيّه
| |
|
Soma2000
مديرة المنتدي
عدد الرسائل : 605 العمر : 41 المزاج : الحـــــمد لله علي كل حال المزاج : الهواية : مكان الاقامة : هولندا الجنسية : سودانية تاريخ التسجيل : 11/07/2008
| |