بنات قصص زواجكم

السلام عليكم ورحمة الله وبركاته
بنات كل واحدة تكتب قصة زواجها من الالف الى الياء ماعايزة واحدة تكون زعلانة من ابو الشباب تجي تقول خلاني في الكوفير اليوم كله و مامتزوجة ممكن نديها فرصة تشارك اي حاجة ول واحدة فرحانة كدى تقول جاني في الكوفير بطيارة ها خلونة نشارك بعض في الزكريات الجميلة طبغا لو لقيت تشجيع بجي راجعة واكتب قصتي

قصة زواجي والله كانت قسمة غريبة لدرجة ماعارفة ابدا بي ويين لكن بحاول اقول
انا لما اتفتحت لي سيرة انه في عريس كانت من طرف زوجة ودعمي وسبحان الله ماكان في بيني وبينها اي اتصال بس في زواج اولاد عمي اخوان زوجها اتعرفنا بي بعض اكتر واخدت تلفوني وكانت بتنزل معانا السوق
المهم ابو الشباب من اصحاب العايلة من زمان يعني تقولوا كده كانوا في حلة واحدة
المهم ابو الشباب جاء من هولندا يوم كان اتنين و زواج اولاد عمي يوم الجمعة تمام
قام ودعمي عزمه في الحفلة وكان عنده فكرة يتزوج وكلم زوجة ود عمي لما شافتني قالت ليه ارشح ليك دي و ورته كل التفاصيل عننا
المهم قال موافق يلا بعد العرس ما انتهي اتصلت بي تكلمني انا بصراحة ما اقتنعت قلت شباب بره ديل ما مضمونين واكيد حتقولوا لي عندك حق من القصص البتحصل لما واحدة تعرس منهم وتمشي هناك تتصدم
المهم انا ما اشتغلت بالموضوع وبعد يومين من الاتصال كنا عاملين عزومة كبيرة للعرسان وهو جاء واتكلمنا بسيط وفي بالي نفس الفكرة لما زهج مني كلم زوجة ودعمي واخد عنوان بابا ومشي ليه الشركة والكلام ده كان يوم الاحد
المهم بابا جاني مظهر الضروس ومسك ماما كلمها وجاني في الغرفة وحكي لي الحصل انا اتخلعت لانه ماكنت قايلاه ماشي عديل لي بابا
المهم بعد بابا ماخلص كلامه سالته قلت ليه انت رايك شنو قال لي انا مبسوط منه وموافق وسبحان الله في لساني اقول لا قلت ليه وانا معاك وطبعا كان عاوز رد عشان مسافر بعد اسبوع من قابله
بابا اتصل عليه يجوا الخميس تعارف وطلب منه تاخير لسفره كمان اسبوع ولما جوا الخميس طلعت اخته مع خالتي في نفس الروضة بتاعت القبس وخالي في هولندا بعرفه وصحباتي منهم شذوية الاشتركت معانا في المنتدي اصدقاء طفولة
وطوالي عقده في نفس اليوم الساعة 11 بالليل شهر7
يعني الموضوع كله اخد اسبوع بس
وسافر وجاء وعملنا العرس يوم 31/12/2007
وجيت هنا معاه حسي في هولندا من يوم12/2/2008
وبس عملت ليكم وجع راس

شكرا ياعسجد علي القصة

وسبحان الله كل شئ قسمة ونصيب

لكن موضوعك دا حاادمجو مع موضوع تبارك بتاع بنات قصص زواجكم

السلام عليكم ورحمة الله وبركاته
شكرا ليكم دلوعة و عسجد لقصصكم الحلوه زيكم انا حاكتب قصتي ولكن عايزةزمن لانو هي طويلة غريبة شوية عشان كدة المعزرة لو تاخرت عليكم وارجو من الاخوات المشاركة وقصتي بتكون في شكل حلقات لو لقيت تفاعل

نسيت حاجة عسجد عايزة اقليك ما وجعتي راسنا بالعكس وسعتي صدورنا في الغربة دي لو عندك زيادة زيدي مامنمل خالص اه نتظرك نفطي الغبار منالزاكرة ونستناك قلتي شنو واعايزين المره ل لجاية تزكري شعورك في اول لقاء بينكم واشياء ماكنتي متوقعها طبعا تكن حلوه لاانك قلتي رفضتيه فيالبداية للاخت دخلت عرض ههههههههههههه و ننتي دلوعة نفس السؤال كرهتكم اليوم الخلاكم تكتبو قصصكم مش كده اخر سؤال احلفي اه ماهو شعوره عندما شافك اول مره البت واقعة شعورك وشعوره عازورني خلصت لي قصة رومانسية عشان كدة متاسرة لسة من القصةهههههههه استناكم

ههههههههههه اما انا بديت اعرفه بعد العقد لانه بابا طلب منه اسبوع عشان اعرفه كويس قبل مايسافر
وفعلا كنا بنطلع كل يوم وكنا بنجهز ليوم نلبس فيه الدبل وكانت ايام حلوة وسافر لكن يوميا كنا بنتواصل بالتلفون والنت لغاية ماجاء للعرس واحلي ايام مرت بي مستحيل انساها
واحلي مفاجاة كانت يوم الزفاف واحنا بنرقص slow dance قال لي بكرة الصباح ماشين ماليزيا
بس وكل ما اتذكر حاوريكم

السلام عليكم ورحمة الله وبركاته
عسجد قلت لي ابوك دخل واسطة لو كان قال ليه الزولة دي طالبة شهر قال مالو خير ياخي ماصدق جاءت من ابوك الدليل كل يوم طلوع كدة شوفتي كيف قال ماعنده وقت قال دي كلمة لكن ماقلتي اذا ابوك ماطلب منه الاسبوع كان في خبر كانة

السلام عليكم ورحمة الله وبركاته
طبعا وعدكم انو هاكتب قصتي الغريبة دي ابدا من وين ماعارفة يالله ازكرتة ايوا جاهزين
اختكم الي هي انا قدمت للجامعة ومنتظرة النتيجة دخل الفراغ في حياتي بقيت افكر في فارس الاحلام هههههههه وفي يوم من الايام شفتوالعربي الفصحة كيف ههههه اها جاتني مرة اخوي من الصباح والابتسامة شاقة الحلق تبارك حزري وفزري الضرب ليك منو طبعا عندي صديقتي الوحيدة العاملة لي اسعاج انا دةمقلبكم الليلة انتي وفلانة قالت لالالالالالالالالالالالالادة واحد انا بقى يغمى علي ووووووووووواحدواحد مرة اخوي ايوا واحد وقال اسمك بالكامل عاد انتي ماهينة طبعا اختكم انصدمة لا بتعرف واحد لالا كمان ضارب في تلفون اخوي عاد ده قوي وجرئ مرة اخوي لسة مصرة قالت وقال بيضرب بعدين وخلي نشوف عايز شنو ونحن نتكلم رن التلفون قالت لي امشي ارفعي السماعة طبعا انا في الوقت دة اسكتو ساي مادايرة شرح اول مامسكتة السماعة جاني صوت غريب وكمان انجليزي هههههههههههو وقعتة السماعة وحاق هههههههههو وهههيييييي كل انواع الضحك جات مرة اخوي رفعت السماعة شوي كدة جاتني مايهو زولك الضرب نص الليل البت جنت الظاهر قلت لاخوي تعال شوف مرتك تقول شنو شككتني في نفسي اخوي جاء قال مايهو الزول الامس دةانتي ماعندك شغلا صدقتي هو من كندا زاتو تبارك تعرفو من وين دة كلو والزول في الخط ههههه طلع من اكاريبي طبعا تزوجنا بعد جيتو للسودان 2003 مايو19طلع لونو ابيض تخيلو المنظر وعرفني كيف عن طريق اختي سافرت مصر هي وزوجها طبعا هو اصلا بيعرف اسرة سودانية في كندا بيعرفو اختي وز وجها وشاف صورتي عندهم ساءلهم دي منو طبعا ماقصرو قال ليهم عايز اتزوجها قايلين بهظر لمن جاء السودان انصدمو ماقايلين انو جادي طبعا هو مسلم وبعد شد وجذب وافقو اخيرا عشنا في سبات ونبات المعزرة اختصرت الاحداث اي سؤال انا حاضرة

القصة جميلة ياتبارك

لكن هو ماسوداني يعني ؟؟؟؟

السلام عليكم ورحمة الله وبركاته
ايوا ماسوداني يادلوعة لقيتي اختك كيف خطيرة مش كدة

ازيكم يابنات ولا نسوان صراحه قصصكم رهيبه والفكره عجبتني شديد...... ح اقوم احكي ليكم قصتي ........

ازيكم يا نسوان دايره احكي ليكم قصتي,
في يوم من الايام لا علي الخاطر ولا البال وانا شغاله في شغلي في الصيدليه ضربت لي بنت اهلنا بالشمار قالت لي جاءك عريس,قلت ليها يابنت عريس شنو لا شافني لا شوفتو قالت لي والله ساكن جنب خالتي ورشحتك ليهو وجاء اجازه السودان وقال داير عروس ,قلت ليها كان وين وشغلو شنو قالت لي دكتور اتخصص في لندن وماشي امريكا بعدشهر, الكلام ده كان شهر 5 ,انا في الاول خفت واترددت شديد وقامت قالت لي حيجي يشوفك في الصيدليه بكره. اها اختكم قامت تاني يوم ذي كل يوم ,امي قالت لي يا بنت اقشري قلت ليها والله لا بقشر ولا حاجه بمشي عاديه زي كل يوم ,ومشيت الشغل وقاعده علي اعصابي كل ما يجئ زول نظيف اقول ده هو,وانتظرت وانتظرت وقام جاء مع امه طبعا شمار النسيبه لازم تجي تشوف مراة ولدها وسلمت علي ومعاها ولدها وقالت لي نحنا جيران خالتك واتونست شويه وولدها يعاين لي من تحت تحت ومشوا........ اها بعد داك شال نمرة تلفوني وضرب لي حكي لي عن نفسه قلت ليهو انا ما بقدر احكم تجئ بيتنا وتقابل اهلي ,قام جاء تاني يوم طوالي مع امه الخفه واللفه وناس بيتنا اعجبوا بيهو وقعدوا يشكروا لي فيهو قمت انا بقيت اصلي الاستخاره طوالي وحسيت اني مرتاحه شديد اها عملنا الخطوبه جوا الرجال وتاني يوم جوا النسوان ولبسوا الدبل قالوا يعقدوا قلت ليهم لا ما في داعي للاستعجال والكلام ده كلو في 10 يوم بس وقام سافر بعد كده,وكان بضرب لي يوميا قلت ليهو لازم تضرب كل يوم طبعا عشان اقدر اتعود عليهو
اها بعد كده قالوا يعملوا العقد من بدري عشان الورق لامريكا وعقدنا شهر 11.2007 وعملت حفله رابه بعاصم البنا وندي القلعه وحتيت حت في الرقيص طبعا لاني بدون عريس ماخده راحتي
اها بعد كده مشيت القاهره للسفاره ووافقوا لي الكلام ده كان شهر 1 ,وقام قال لي انا ماعندي طريقه اجئ السودان لاني شغال وما عندي اجازه ,طبعا اختكم جاتا نفسيات شديده لانو كان في الاول واعدني يجي بس حصلت ظروف.
قمت انا قلت لابس البس فستان الزفاف ولبستو ومشيت لغاده شرفي واتصورت والله كنت سمحه سماحه مبالغه وعمانا عزومة عشاء وعزمت اهلي المقربين وودعتهم وتاني يوم جهزت شنطي وسافرت بالليل وكانت نفسياتي كعبه شديد لاني اول مره اسيب اهلي,وجئت هنا شهر 2 لحياتي الجديده والحمدلله ربنا اداني زوج حنون وطيب شديد.
كده خلصت قصتي خلاص ,معليش بريتكم

سبحان الله يادودي

العرس دا قسم والله

ربنا يهنيكم بي بعض يارب

وتملي ليهو البيت عيال

ويغلبك بالمال ,,,, مش بيقولو كدا

ههههههههههه

ياهو زاتو منو المال اهم حاجه ..
ههههههههههههههههههههه

إزيكم يا شابات يا حلوات...
قصصكم ما شاء الله!!! بعضها ولا ألف ليله و ليله!!!! ربي يهنيكم!!!

عسجد!!! معقوله توصلي ماليزيا و ما توصليني؟!!! يا ريت كنت بعرفك الزمن داك :)

تبارك... رهيبه لكن... قصتك فريده... و منتظرين باقي الحلقات!!!
متزوجه ليك كم؟؟؟؟
و عايزه اعرف.. في البدايه و انتي بتفكري في الموضوع... هل حصل فكرتي انو دي فكره مجنونه؟؟؟؟ من حوالي السنتين!!! انا قربت اعمل زيك و اتزوج غير سوداني! عارفه.. بقيت من غير سبب بكون بسمع في اغنيه عربيه ولا اقرا كلام بالعربي بفكر في اني حأكون الوحيده في بيتي اللي فاهمه اللي حاصل و اولادي غالبا ما حيعرفوا حاجه عن my own background or culture ( اللي بسمع الكلام دا يقول البنت خلااااص expert ... و حياتكم رايحه روحه تمام )
ما عارفه ايه اللي حصل في الاخر I panicked ... مع ان دادي العزيز ما كان عندو اي اعتراض بحسب ما توقعت...
بعد الحكايه دي مشيت قضيت في السودان حوالي السبعه شهور و اكتشفت ان ما شديد مرتبطه بالسودان كبلد و اني Panicked من غير سبب!!!

cute_rINO
ma taz3ali ya 3asal baji tani o bakalimik o ana 3indi a7'wati 2 o walad bigro hinak 3ashan keda baji o bakalimik

السلام عليكم ورحمة الله وبركاته
cute_rINO
انا متزوجة لي5 سنين : : والحياة الزوجية فيها تنازلات من الطرفين عشان المركب تعدي وبمناسبة background or culture دي بترجع ليك انتي وحرصك وفي ناس هنا اولادهم مولدين في السودان مجرد ماوصلوا هنا نسوbackground or culture اما انو فكر تة دي فكرة مجنونة بالعكس كنت مقتنعة جدا وسلامات وان شاءالله نسمع غريب قصتك عشان نكون سوى جاين من المريخ شوية شمار كدة الزول الجاك من وين عاد كم ماسالنا يعرفونا نسوان كيفن اي سؤال انا حاضرة

السلام عليكم ورحمة الله وبركاته
talo
منتظرين قصتك ان شاءالله تكون كاااااارب وتحطمي كل القصص الانكتبت هنا شوفتي داعاية مجانية هههههه

لالالا دعايات مامعانا ياتبارك

اعملي حسابك

منتظرين قصتك ياتالو بدون دعاية

هههههههههههههه

بسم الله الرحمن الرحيم
ماتخافي يادلوعة حقوقك محفوظة بنديك فرصة تاني لقصتك اه قلتي شنو ههههههههههه

لالا خلاص نبدا من الاول وتعملي لي دعاية انا اول

ماعندي مانع دايراها مصورة ولا كلام شعر هههههههه بس اول انتي ابدئ و بعدين الدعاية بعد الفاصل عشان البنات مايحضرو الدعاية ويمشو يخلو قصتك حرام

هههههههه شكرا
كيفك والعيال البت دابة ازكرت