ارجوكم ساااااااااااااعدوني

بسم الله الرحمن الرحيم
والله انا ماصدقت لقيت موقع بالشكل دأ ممكن يكون مرجعيه لاي واحدة محتارة زيي ؛؛؛ انا متزوجة لي سنتين وماقادرة ادخن ولا اتحنن يعني مامتشجعة عايزاكم تشجعوني خصوصا ان زوجي لا يشجعني بحجة ان الحاجات دي مابتهمه يعني لايهتم بها فهل هذا صحيح ؟؟؟ هل هناك رجل سوداني لايهتم بالدخان والدلكة وريحة الخمرة ؟؟؟؟؟ والله ماقادرة اهتم بي نفسي خصوصا بعد الولادة ولدي عمرة 11 شهر وحملت في التاني بالصدفة لاني كنت مستجدة وماعارفة انظم ولما مشيت للدكتورة تفاجات بالحمل وكنت ناويه بعد ولادتي الاولي اعمل جدول انظم فيه نفسي شويه واهتم بي نفسي لاكن ماقااااااااادرة وتعبانه جدا من حالتي خصوصا ان انا في غربة وماعندي جارات سودانيات يشجعوني ؛؛؛؛ ارجوووووووووكم ساعدووووووووني كم مرة بالاسبوع ادخن والدلكة كل يوم ولا مع الدخان والخمرة برضو ؟؟؟؟ عارفة انكم حتضحكو علي ؟؟؟؟ بس عاااااازراكم طبعا لان فعلا حالتي بضحك ؟؛؛؛؛؛؛؟
في انتظار ردودكم ولاتبخلو علي بالنصائح والله ادعي ليكم من قلبي ؛؛؛؛؛؛؛؛

اهلا بيكي ياعسل

اول حاجه الجيهه سمحه يابت ماتخليها ابدا...

ولازم تكوني مجيهه دايما مش عشان انك في غربه خلاص تنسي الحاجات دي ...

والله انا لو مكانك اعمل نظام يعني جدول وارتب يومه عليه انا لسه ما عرسته

لكن عندنا جارتنا منظمه نفسها يوميا بعد المغرب تاخد ليه بخة دخان لعشرة دقايق

وبيبقى دا روتين حلو... فانتي اختاري الوقت البيكون فيه زوجك نايم او مافي يوميا

يعني حسب دوامه... وخصصي للدخان...وانتي حتلاضي الفرق وتتشجعي براكي

وانا عايزه اديك معلومة حلوه سمعتها في اذاعة القران الكريم انو المرا لو تزينت لزوجها فيها اجر وثواب كبير عندالله ... فانتي كدا حترضي ربك وترضي زوجك

السلام عليكم

ربنا يكرمك يا اختي ويوفقك لمرضاته

انا بصراحة مستغرب لمدى تمسك وحب المرأة السوداينة بالعطور والبخور

اكيد هذا من عادتها وتقاليدها ولكن الاهم ان لا تخرج من بيتها متعطرة

لان هذا من الذنوب الكبيرة الخطيرة وقد نها النبي صلى الله عليه وسلم عن هذا

الايام دى فى موضة زى دى الواحدةتقول ليك انا ما بتدخن ولا بتحنن عشان راجلى ما بحب الحاجات دى وانا ذاتى اخوى وخالى بقولوا الكلام دة لكن بعد داكمان فى راجل بلقى مرتو مدخنة يقول ليها اطلعى برة البيت؟ انت اتجيهى لروحك السمحة دى اولا بعد داك مافى زول حيشيل حالك لكن لما تتبشتنى وهو يقوم عليه زى الما مضمونين كلهم اول حاجة حتقولا اعز صاحبة ليك (خليها تستاهل عشان تتغش للرجال فى راجل ما بدور الجيهة؟)

والله الجيهة سمحة والمراة لازم تكون حلوة في ريحتها ونداوة جسمها مافي احلي من الدخان والدلكة بصراحة انا بموت في الدلكه ريحه ومساج

والله ريحك

والله يا بت الناس حتى الخواجيات بقن يكابسن معانا في دخانا يعني الكل عرف ميزته السمحة بقى ما في داعي الغريب يبقى أفلح مننا

» ارجوكم بالله عليكم..
» ارجوكم اريد طريقه الحنه البخاريه