نصائح أم سودانية لابنتها

يا بت هوي فتحي عينك وابقي نجيضة وفالحة .....



قدر ما أجي داخله عليكم القاكي .... هي هي هي .... و قر قر قر ..... تضحكي مع عبد الله دا....



الراجل ما تضحكيلو كتير.....



يسعلني الله بعدين يحقر بيك....



الراجل اديهو العين الحمرا.



وان قدرتي لعند ايدك تلحقيها ليهو لحقيها...



ابقي نجيضة.....



آآي ..... زي امك.....



الله بسعلني وقت ابوكي يقول حاجة تضحك....



امشي اتحشر في الاوضة واضحك زين واجي مارقة صارة وشي....



وبعدين اوعك وأوعك وبعدين تااااني اوعك... تقوليلو الجلابية دي سمحة ولا العمه اللابسها دي سمحة...



نفسو تقوم تعجبو يعرس فوقك.... وبعدين تشربي ما تروي....



واكربيهو بالطلبات.... اوعي تخلي لك قرش يبيت في جيبو...



واوعك تخليهو يشوف.ال...... بيخربن الرجال



وقت المسلسل داك يبدا جيبي فندكك واقعدي دقي أي حاجة جنبو ... ويا ريت لوكانت شطة...



ولا كان شافعك جيعان وداير يرضع وبيبكي خليهو في بكاهو داك لمن المسلسل ينتهي....



وبعدين ما يجى داخل يلقاكى تغنى ...



حتى ان بقيتي دايرة تغني اوعك من الغنا الخايس ناس حبيبي حبيبي ....



امسكي في الغنا الحار زي "البيجري مصيبتو و مرتو طلقانة" ولا "اندب حظي"



ولا "دفاعنا الشعبي ياهو ديل" ولا "النار ولعت بقلبي بطفيها".....



اااااااااااي.... عشان تربيلو الزلعة .....والخلعة....



بس اوعك تغني "لو الليلة يوم الرجال"....



بيقوم يصدق و يتحنفش فوقك ساكت........



واوعك تشكريلو حاجة جابها....



ان جاب لك لحم، ختي ايدك فوق راسك وقوليلو:



ووب علي ووب علي ووب علي، غشوك وادوك الجلافيط .....



وان جاب لك فتيل ريحة اول ما تفتحيهو وتشميهو طوالي كشري وقبلي غادي وابزقي



قوليلو: دا شنو يا عبدالله؟......



الريحة المتل ريحة الفسيخ دي جايبها من وين؟



غايتو انت مغستك تقد.......



وان جنك نسوان ولا بنات....ما تخليهو يقعد وسطن....ويتونس....



طيريهو من البيت....



وان ابى يمرق... قدر ما يقول ليو نكته ولا يخفف دمو قدامن صري ليهو وشيك....



وقوليلو: انت يا عبد الله ما عندك غير النكتة دي؟



يا خي عملت لينا بيها وجع ... وش......



اصلهم الرجال عارفاهم ...



الواحد فيهم لمن يشوفلو لمت بنات يقعد يخفف في دمو ويعمل فيها ودنفاش.....



وتلقيهو يضحك بلا سبب...



حتى ان واحدة قحت ساكت ...



يقعد يضحك ويصفق ايديهو....



واوعك تخليهو معاهن وتدخلي المطبخ تسوي ليك شربات .....



وحات الله ... بنات الزمن دا ان غفلت من راجلك دقيقة بس ...



تلقيها عرستو

مبااااااااااااااااااااالغه لا ما للدرجه دي

ههههههههههههههههه دي طفشتو عديييييييييييل
طلاق مستعجل............

هي دي نصائح لواحدة عشان تعامل زوجها ولا خصمها في الحرب

وأي رجل يطيق هذا

الاحسن تقولها العشر نصائح اللي قالتها اسماء بنت خارجة الفزارية لابنتها

ههههههههههههه

والله حرام حزني الراجل ده ....

ليه يعني خاشه حرب

طبعا انتي يا احلى دنيا مالكيش دعوة بالكلام ده

انتي لسه عروسة جديدة وكده مش هاينفع

لكن برضو يالمهاجر انا بوافقها في النقاط الأخيرة

وبشدة....

هي نقط بصراحة واقعية ونراها في حياتنا

جـــــــــــزيت خيرا ... لا حرمك الله أجر مانقلت