امثال جميلة

موضوع: امثال جميلة الجمعة أغسطس 15, 2008 3:52 pm

* الواقعة من السما بتحملها الواطا

* العود كان مافيه شق مابقول طق

* اب سنة بضحك على اب سنتين

* القفة ام اضنين بشولوها نفرين

* جارك القريب ولا ود امك البعيد

* النسيبة عين شمس

* الصابر يعرس مرة راجل

* التسوى كريت فى القرض تلقاه فى جلدها

* قلِ العروض جفا

* الزارعه الله فى الحجر بتقوم

* حلم المطلقة فى الرجوع

* بيت الجدرى ولا بيت النقرى

* الكحل مابنفع فى العين الحجر

* الماشفتو فى بيت ابوك بخلعك

* الشينة منكورة

* الواضح مافاضح

* العرجة لى مراحا

* سيد الرايحة بفتح خشم البقرة

* الببارى الجداد بوديهو الكوشة

* المرة بدقوها باختها

* الماعندو لسان فقرى وفلسان

* فى الوش حبايب وفى القفا دبايب

* سمحة البتعرّف

* البرقص مابغتى دقنو

* الماعندو ضهر بينضرب على بطنو

* عيب الزاد ولا عيب سيدو

* السترة والفضيحة متباريات

* البحر بشيل عوامو

*القلم مابزيل بلم

بريدكم ريدة... ( ريدة الحمامة لى وليدها ) ...
مع تحيااتي

موضوع: رد: امثال جميلة السبت أغسطس 16, 2008 1:05 am

* النسيبة عين شمس

* الصابر يعرس مرة راجل

* سمحة البتعرّف

* البرقص مابغتى دقنو

اشرحي لــــــــــــــــــــــــي

انا ماااااااااااااااااااااااااااافهمت

موضوع: رد: امثال جميلة السبت أغسطس 16, 2008 1:35 pm

والله ياايمو انا زاتي عايزة اليشرح لي

هههههههههههههههه

لكن بخمن ليكي بتاعت النسيبة عين شمس دي

اعتقد انها بتكون مفتحة عيونها كبااااااااااااااااااااااااااار زي عين الشمس

مامتاكدة دا تخمين مني ساي

لو عرفتي الشرح الصحيح اديني خبر

خطيرة هههههههههههههه نعتز بيها

» امثال مشروحة
» امثال سودانية.......... روعة
» كم هي جميلة الخصوصية