تعطييييييير التياب والريحة الخطيرة اياها

يا عسولات كيفكم

طبعا انا نسيت نهائى كبرتة الهدوم كيف بتتعمل. بتزكر كان فى السودان بيرشو لى التياب بى موية مسك وكم عطر كدة بس ما متزكرة هم شنو(وهل كانو عطور سودانية ولا باريسية ولا شنو يا ربى) وبيكونو حاطين بخورالصندل بى تحت وانا بس بعد داك بجى بالبس واتخارج هههههه

وبى مناسبة انى باستف للسفر ضرورى ثم ضرورى شديد تورونى ارهب طريقة تخلى هدومى مفحفحة كدة وريحتها تشرح القلب وتجيب heart attack امس مشيت اشتريت عطر وايت مسك (جوفان) كبديل لى موية المسك وانتو كملو لى الباقى

حسسسسسسة طوالى ردو لى والله مزنوقة اوى

ملوك (ام مرمر)

ما كلمتكم بتى بقى وزنها طبيعى اخيييييرا وغايتو جنس حلا (قولو ما شاء الله) طالعة لى امها طبعا هيع هيع هييييع

انا ما عندي خبره شديده في الموضوع دا و بصراحه اول مره اعرف انو ممكن يستعملو مويه المسك
لكن ممكن اوريك طريقه انا عملتها لما جيت مسافره بعد ما تكوي هدومك تريحي هدومك بي ريحه باريسيه قطعه قطعه و بعداك تولعي بخور صندل ولازم يولع شديد يعبق المكان زي الدخان و تختي المبخر تحت كرسي او اي حاجه فيها فتحات توصل البخور و قبل ما تختي هدومك في الكرسي ختي توب قديم و لا طرحه كبيره في الاول عشان البخور ما يهد في هدومك خلي الهدوم مسافه لحد ما تحسي انها اتشبعت بالبخور ودخليها الشنطه طوالي عشان تحتفظ بيريحتها و اهم شي انك تغيري البخور كلو شويه عشان ما تبقى ريحه هدومك حريق هههه ان شاء الله اكون قدرت افيدك

ميريام ودلوعة/تماااااااام كدة انا فهمت الطريقة كويس

بس لكن اى نوع ريحة باريسية؟ قصدكم العطور الفرنسية الاصلية التقيلة ديك ( ناس اورجانزا ودولتشى فيتا والحاجات دى) ولا البيستعملوها للخمرة زى سوار وفلوردى باريس وكدة؟

معليش اسئلتى كتيرة

ملوك

سلام يا بت الملوك والله فرحتيني بي وزن بتك االله يخليها ليك و تشوفيها عروس ...... ربنا يحفظها وبعدين موضوع الحلا ده ما بتغلط فيه اتنين
كنت عايزه اقول ليك انو اجمل ريحه مع البخوور اورقـــنزا بتخلي ريحه الهدووم خيال بتمنى اكون افدتك

ممكن تستعملي اي ريحه انتي بتحبيها لكن طبعا احسن الريحه الباريسيه لأنو بتمسك ريحه البخور فتره طويله وما بتخلي اي اثر في الهدوم
الخمره والارياح البيستعملوها فيها بتخلي اثر زي بقع الزيت مرات ما بتطلع حتى بالغسيل

دلوعة وبت النيل وميريام/ مشكوريييييييييييييين والله كلامكم افادنى شديد

ويا بتنا وانا متاكدة اورجانزا حتكون خطيرة مع البخور وعلى فكرة جربته الليلة مع Pleasures كمان طلع تحفة مع انو العطر دة عندى منه الزيتى الlimited edition (حق الممثلة جونيث بالثرو ديك) وبتريح منه بالقطااااااااارة عشان ما يكمل لكن والله مع البخورطلع خيال. ويا ستى بكرة على المول نجيب اورجانز....... ونستف الشنط

بحبكم شديد

ملوك (الريحتها رهيبة هههه)

ههههههههههه تماام ياملوك

الناس حتتكاكا بي ريحتك

ياخي ملوك مابتعرفيها ؟؟ ياخي الريحتها رهيييييييييييييييييبه ديكي
تصدقي يابت امي انا من كترت ماريحتها عجبتني لمن بس اتلصقته جنبها وتااااااااااااني ابيت اقوم

هههههههههههههههههههههههههههه
شفتي الكلام دا كيف ياملوك

وبالمناسبة كمان مع الحنه والدخان
ووووووووووووووووب
تبكي بس

ربنا يوفقك يارب

هههههههههه

مش كدة بالله يا دلوعة؟ الناس تتحكى بى رهابتى وريحتى السمحة شديد وانا اعمل فيها تغياااانة واغرود فى عيونى واخط رجل على رجل عشان الحنة تظهرررر(منظر بقى مالوف فى السودان مش؟؟)

ياخى انتو عسولات شديد وانا جد مبسوطة بيكم

ملوك (نظافة...ريحة هههههه وكوفير(على وزن توفير)

والله يا ملوك عسل بس ... السودان كله بق المنظر القلتي عليه ده ما شاء الله النسوان بقو شي تاني
بس ملوك حتكون ستهم

بت النيل/ والله انتى العسل شديد دة بس من زوقك حبيبة

دلوعة/انا مقيمة فى اشبورن ولاية فيرجينيا فى ارميكا البعييييييدة ديك لى تلات سنين لكن راجعة السودان فترة كدة الملم فيها اشتات نفسى من الغربة البايخة دى واتدلع لى شوية مع امى وبعد داك ربنا يسهلها....انا وراجلى كمان جادين بنبحث عن فرص عمل فى الخليج الامارات ودعواتكم معانا

قلت ليهو انا كان مشيت الخليج ده باكنكش ليك فى الثالوث الرهيب(تياب+ذهب+عدة) وتانى اصلو ما برجع امريكا لى بنطلون الجينز والكدارة...وجنس غباش الله لايوريكم يا بنات امى خخخ

ودمتم

ملوك

اسكتي ساي والعجب هنا في هولندا
غبااااااااااااااااااشه شديد
غايتو الله يعينا

ya salaaaaaaaaaaaaam ya bt ya milook bthbi ودولتشى فيتا......kant fi yom mn alayam mn afdl aryahi

والله ياملوك ودلوعة وبت النيل انا اقتنعت بانه الغربة بتبشتن نمشي السودان تلقاهم نضاف
زغرتوا لي امبارح اتحننتا ان شاءالله اقدر اطبقها بكرشتي دي ههههههههههههه

عسجودا يااختي انتي جاراتك ديل مالهم ماعندهم ذوق كداا

ماتجي واحدة تخت ليك الحنة

جيران التابة واليابه

اريتني لو جارتك كنت ختيتها ليكي والله

جيران وين في السخانة دي
ناديت ابو الشباب وقلت ليه جيت معاك لصاق الشفاف الشريط
وخليته يحدد لي رجل ولطختها وبعد مانشفت عملت الرجل التانية لكن تعبتني الاصابع بتبقي ليك بعيييييييييدة
وفي الاخر اليدين
تعب شديد وان شاءالله العصرية بطبقها تاني

اها طبعا انا مسافرة السودان يوم الاحد الجاى ده ويوم الاحد الصباح عاوزة اتحنن لكن بى الصبغة والشريط اللاصق اصابع اليدين واصابع الرجلين فقط. اسالونى ليه علشان تكون نااااايرة لمن اوصل وعلى طول امشى ارسم عند حنانتى الرهيبة قبل ما الناس يجونى.

برنامجى كالتالى:
الجمعة: لخوخات طول اليوم

السبت: حمشى اعمل حواجبى وتربيزة اللحام (سورى قصدى وشى )
وبالليل اشيل جسمى

الاحد: الحنة واقعد اكمل تقفيل الشنط وكل شوية امشى اتفرج على نفسى فى المراية وانتعش بى جمالى ونضافتى هههههه

الاحد بالليل السفر والبكا والجرسة

لو عندكم اى تعديل فى الجدول جووووووو اهيد

ملوك

بختك والله برنامجك رهيب لكن ما حتعملي لشعرك حاجه,نيو لوك لناس السودان يقولوا حلاتا حاتن سمحه سماحه الغربه نفعت معاها

الاحد بالليل السفر والبكا والجرسة
da lzoooooooooomo shino ......be al3ks

دودي1 كتب:

بختك والله برنامجك رهيب لكن ما حتعملي لشعرك حاجه,نيو لوك لناس السودان يقولوا حلاتا حاتن سمحه سماحه الغربه نفعت معاها

والله يا دودى نفسى لكن خاااايفة من كترة الصبغة الايام دى وانا بارضع البيبى عشان كدة حتى الحنة بسيييييييييييييطة جدا الاساسية بس. لكن بس حامشى افردو وخلاص لحد ما تعدى ايام الرضاعة دى.

hanona05 كتب:

الاحد بالليل السفر والبكا والجرسة
da lzoooooooooomo shino ......be al3ks

حنونة يا بت انا عندى حالة نفسية لى اسبوع هسع....الجكس بتاعى متجرس ومجرسنا معاهو بينى وبينك نحنا متعودين على بعض شدييييد عشان كدة من هسع جهزت مناديلى والممسحة (عشان دموعى الحتملى الارض وكدة خخخخ)

ملوك انتي حتقعدو كم شهر اصلكم ؟؟؟

ملوك كان تخططو تسافرو سوا

يعني انتي كدة مجهجهة

ياتفارقي أهلك ياتفارقي راجلك؟؟؟؟

كان تنسقو عشان يبقى معاكي راجلك وأهلك

قمة السعادة والله