مـنتديات نساء السـودان

ترحــب بـــك يا زائر
 
الرئيسيةالبوابةمكتبة الصورالتسجيلدخول

شاطر | 
 

 مين تاخد بايدي

اذهب الى الأسفل 
كاتب الموضوعرسالة
mima

سوداني جديد


انثى عدد الرسائل : 5
العمر : 37
تاريخ التسجيل : 26/07/2008

مُساهمةموضوع: مين تاخد بايدي   الجمعة أغسطس 29, 2008 4:33 pm

يا جماعة والله محتاجة لي مساعدتكم شديد
انا عروس لي6شهور وحامل في الشهر الثالث
وحم ..وزهج ...وغرررربة

مسجلة معاكم من فترة لكن لظروف ما كنت بدخل كتير
المهم ده اول رمضااااااااااااان لي
شابلة هم والله
وانا في المطبخ نص نص
تنصحوني اعمل شنو

وعندي استفسار عن العصيدة يالزبادي اعملها كيف
والنشا ...انا هنا ما عندي دقيق ذرة ...البديل شنو

والحلويات ..العصائر ......
والله حاسة اني فاشلة في اي شئ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Soma2000

مديرة المنتدي
مديرة المنتدي
avatar

انثى عدد الرسائل : 605
العمر : 35
المزاج : الحـــــمد لله علي كل حال
المزاج :
الهواية :
مكان الاقامة : هولندا
الجنسية : سودانية
تاريخ التسجيل : 11/07/2008

مُساهمةموضوع: رد: مين تاخد بايدي   السبت سبتمبر 13, 2008 3:28 pm

اهلا ياميما

معليش يداب قريت البوست والله

بخصوص العصيدة بالذبادي

انا كمان بعملها بالذبادي لانو برضو ماعندنا دقيق زرة هنا

اوريكي انا بعملها كيف

مثلا لو عايزة تعملي كوره واحدة

تعملي 3 ملاعق دقيق
وكباية شاي ذبادي
وكوره وربع موية
انا بعمل ليها زرة بتاعة ملح انتي علي كيفك ممكن ماتعمليها

اها تضربي المقادير دي كلها وتخوتيها في نار هادية
وتسوطي وتسوطي طبعا مافي مرا مابتعرف السواطه
هههههههههههههههههههههههههه
بتعرفيها نجضت كيف ..؟؟ تشيلي حته وتخوتيها في موية باردة
لو لقيتيها متماسكة خلااااااااااااص معناته عصيدتك ظبطت تماااااااااام
وبعد كدا تكوبيها في القالب بتاعك

جربيها ووريني النتيجة
انا كمان ماكنت بعرف لكن اتعلمتها

بالمناسبة .. ممكن ماتظبط معاكي من اول مره
لكن ماتياسي حاولي تاني وتالت وان شاء الله حتضبط معاكي

لو عندك اي سؤال انا موجودة


ب

_________________



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Emoo

مشرفة
مشرفة
avatar

انثى عدد الرسائل : 134
العمر : 35
المزاج : زهجانة وماعارفة الأيام الجاية مخبية شنو... ربنا يعدي الموضوع دة على خير
المزاج :
الهواية :
مكان الاقامة : Sudan
الجنسية : Sudan
نقاط التميز : 3
الاوسمة :
عدد الأوسمة : 3
تاريخ التسجيل : 06/08/2008

مُساهمةموضوع: رد: مين تاخد بايدي   السبت سبتمبر 13, 2008 6:20 pm

يااااحليلك ميما
والله بوستيك دة انا زاتي ما شفتو
كنتي خاتاهو وين يابت؟؟

أول حاجة مرحب بيكي معانا
نورتينا واحنا كدة اخواتك ان شاءالله

يلا بالنسبة للاكل ما تقلقي حبيبتي بتتعلمي
مالازم تظبطي اي شي من البداية
الذ شي تتعلمي فيه ويكاويكي لم حاجة ما تظبط

طيب
العصاير اعملي عصاير فواكه فرش
لانو الحلومر والقمر دين والحاجات دي عاوزة خبرة عشان تظبط
او عاوزة زول يضوق
وانتي مع الصيام ماحتقدري تضوقي


بالنسبة للحلويات
في خيارات كتيرة وسهلة وانتي عليكي تتفنني بس
مثلا اعملي كاستر ختيه في كاسات وختي فوقو طبقة كيك سادة وبعداك طبقة جيلي
تحلية ساااهلة ولذيذة
طبعا بتخلي الكاستر يجمد في التلاجة حتى تختي الباقي
والجيلي برضو بتختيه بعد يبرد
ولو رشيتي الكيك بشوية تانج بيكون الطعم اروع

اها مثلا ممكن حاجة تانية
رصي كيك في كواري
وختي فوقا طبقة ايس كريم
وجمديها
وبعدين سيحي شوية شوكولاتة
بعد تبرد شوية كبيها في وش الايس كريم
برضو تحلية لذيذة

ممكن برضو تجيبي ايس كريم نكهتين
وتعمليها على شكل كور بالمغرفة الصغيرة
وترصيهم زي الكافتيريات فوق بعض
وتجيبي بسكوتة الشكل سيجارة ديك
تحشريها بالجنبة
او ترشي حبة فواكه معلبة بين الايسكريم

صدقيني التحليات دي كلها ما بتاخد زمن
وطعمها لذيييييييذ
والالذ بيكون طريقة القديم


بالتوفيــــق حبيبة

_________________





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Soma2000

مديرة المنتدي
مديرة المنتدي
avatar

انثى عدد الرسائل : 605
العمر : 35
المزاج : الحـــــمد لله علي كل حال
المزاج :
الهواية :
مكان الاقامة : هولندا
الجنسية : سودانية
تاريخ التسجيل : 11/07/2008

مُساهمةموضوع: رد: مين تاخد بايدي   الأحد سبتمبر 14, 2008 9:49 am

ماشاء الله ايمو ماخلت ليكي حاجه وماقالتها ليكي

يلا نفذي وورينا النتيجة

واكيد باقي البنات ماحيبخلو عليكي بي خبراتهم

_________________



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
cute_rINO

مشرفة
مشرفة
avatar

انثى عدد الرسائل : 376
المزاج :
نقاط التميز : 3
الاوسمة :
عدد الأوسمة : 3
تاريخ التسجيل : 11/07/2008

مُساهمةموضوع: رد: مين تاخد بايدي   الأحد سبتمبر 14, 2008 2:30 pm

البوست دا كان لابس طاقية الاخفاء انا كمان ما شفتو....

دلوعه و ايمو ما قصروا... انا شخصينا حالي اسؤ من حالك... علشان كده كل اللي بقدر اقدموا اني ادعي ليك ربنا يساعدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مين تاخد بايدي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنتديات نساء السـودان :: 
قسم الشؤون الاسرية
 :: المطبخ والاكلات
-
انتقل الى: