هاااااااااي أفري بووودي
أووكي أنا دايره ادي البنات دروس لازم يتبعوها عشان يبقوو حنكوشاات
(1)مثلا وانتي بتكلمي كل شوية صلحي الطرحة ( طبعا دا لو في طرحة.اما لو مافي طرحة اقعدي صلحي شعرك كل شوية عشان ما تتخرب التسريحة ) واعملي انك مهتمة بنفسك وخلي كلامك كلو يالله القميص اتوسخ والاسكرت اتكرفس .ووشي , بشرتي , والشمس , والسخانة وكلام زي دا .
(2)صوتك لازم مايكون عالي وضحكتك تكون انثوية .
(3)طبعا تكوني مربيه الاظافر وضاربهم مانكير وتقعدي كل شوية تلعبي بيهم ولو اتكسر ضفر تقومي الدنيا وتقعديها وماتقيفي من البكاء الا بعد 3 يوم.
(4)كلامك......ركزي على طريقة كلامك ..... يعني الكلمات بتاعة الرماتة والشماسة وناس السوق الشعبي تشيليها خالص من قاموسك . وبدليها بكلام الحناكيش والحنكوشات وكتري عليك الله من كلمة يااااااااي لانو ليها تاثير كبير في مسالة الحنكشة .
(5) مشيتك..... لازم تمشي برااااااااااحة وطبعا لو جيتي بمكان فيه تراب ولا موية لازم تلفي 180 درجة لغاية ماتمشي بمكان نظيف ( طبعا عشان ماتوسخي الشراب والجزمة الجديده ) .
(6) ممنوع منعا باتا انك تركبي المواصلات وخصوصا قدام صحباتك واصحابك او اي زول بتعرفية ولو قالو ليك يلا معانا قولي ليهم لا انا مستنيه بابا يجني بالسياره وطوالي ابدي احكي ليهم ماساه انو بابا وعدك انو يشتري ليك عربية قبل اسبوع كامل ولسه مااشترها ليك .
(7) لازم كل كم يوم تشيلي موبايل شكل حتي لو اضطريتي تشدي من اخوانك وكدا .
(8)كتري من مراقبة عماتنا الحنكوشات والمتحنكشات وبرضوا نجمات السينما والمشهورات واتعلمي منهم .
وان شاء الله الخطوات عجبتكم ... بس حاسبي ما واحده تتغلي منك تقوم تديك كف ترجعي للمدافسة في السوق الشعبى
والاحتياط وااجب
وتركزي على التاء والجيم ولازم كلامك يكون فيهو شوية انجلش يعني ميكس
وكلمة يااااااااااااي لازم تركزي عليهاا أووك .
موضوع: كيف تصبحي حنكوشه 
الإثنين أغسطس 11, 2008 5:04 am
ولمن نبقى حنكوشات بقول ليك بجد بلغتى شكراليك مشركه جميله ومفيده من اختك حنكوشه
